يانايمٍ والخلق لجلك . . . سهارى
يادالهٍ والناس لجلك . . . يسجون
داريت يوم الوجد . . . ماينتدارى
وجمر الغضا وقّاد وإن كان مدفون
إمواصلٍ ليلي سهر . . . بالنهارا
وياليتكم ياناس . . بالحال تدرون
حالي معه حال الصقر والحبارى
روَّح بصيده . . والقنانيص يِعْدون
ياعاذليني . في عيوني الحيارى
ماشفتوا اللي شفت ياللي تِعَذْلون
يامن بزينه في الملا . . . مايبارى
وطغى بأوصافه . . على كل مزيون
لي فيك غاية . . والأماني كثارا
والقلب في حبك . . موَلَّع ومفتون
يانايمٍ والخلق لجلك . . . سهارى
يادالهٍ والناس لجلك . . . يسجون